र्सव प्रथम सहकारीको विकास १५ अगस्त १८४४ मा बेलायतबाट शुरु भएको र तत्पश्चात यसले अन्य देशहरुमा पनि व्यापकता पाएको हो नेपालमा वि.सं.२०१० सालमा सहकारी विभागको स्थापना, २०१३ सालमा चितवनमा १३ वटा सहकारी संस्थाको गठनपछि यसको विकाक्रम शुरु भएको हो । सहकारीलाई व्यापकता दिन यसको संरचना -संगठन) लाई अधिराज्यभर लागू गर्ने उद्देश्यले तत्कालिन जिल्ला पंचायत सचिवालय अन्तरगत २०२० सालमा साझा विकास शाखाको स्थापना भई सहकारीलाई नेपाल अधिराज्यभर लागू गरियो ।

नवलपरासी जिल्ला परिचय

२०२० सालमा भूमी सुधार कार्यालयको एक शाखाको रुपमा राखी त्यसमा एक इन्स्पेक्टरको नियुक्ति गरी काम गर्ने प्रणालीको सुरुवात गरियो । त्यसैक्रममा आ.ब. २०२३/०२४ सालमा छुट्टै कार्यालयको रुपमा स्थापना भई संचालन गर्ने परिपाटीको विकास गरियो ।यस समयमा दर्ता भएको सहकारी संस्थाहरुले राम्ररी काम गर्न नसकेको हुँदा पुनः निर्देशित सहकारीको रुपमा रहने व्यवस्था गरियो । त्यस समयमा चितवनबाट नवलपरासीका डण्डा र रजहर र परासीबाट पाल्ही -दयालु बहुमुखी सहकारी संस्था र नौलो विहानी सहकारी संस्था) व्यवस्था गरिएको थियो । यसैक्रममा परोपकार र तिलकपुरमा स.स.नि.लाई मुख्य व्यवस्थापकको जिम्मा दिइएको थियो । यसैक्रममा २०२८ सालमा कृषि विकास बैंकले सहकारी कार्यालयमा मुख्य व्यवस्थापक भनी केही व्यक्तिलाई नियुक्ति गरी पठाउने काम गरियो ।